عايزين مهاتير !!!!...... عايزين مهاتير !!!!! ....عايزين مهاتير !!!! //////////////////////////////////////////////////////

                   عايزين مهاتير  !

( إنه الدكتور مهاتير محمد باني نهضة ماليزيا الحديثة ، مصر والعرب  في حاجة إلي رجل مثله ليوقظ في شعوبهم العزيمة  والضمير )

                                كلمات  

                      أحمد عبد اللطيف النجار

                              شاعر  عربي

فكرت قليل

فكرت كثير

بأتمنى لبلدي

واحد مهاتير

نصحي من نومنا

ونقوم ونطير

في الصحرا نعّمر

بعقل وتدبير

ويخطط لينا

أبو عقل كبير

مهاتير قالها لهم :

مش سر خطير

لعملكم قوموا

لازم تبكير

الصعب أمامنا

جامد ومرير

الشعب تجاوب

من غير تقصير

وقالوا له معاك

كلنا يا كبير

علي الصعب خطانا

تسرع وتسير

كان أول شيء

عمله مهاتير

قام أسس نهضة

ولا خاف أعاصير

حارب الأمية

دا الجهل خطير

كان عمله بسيط

مش فيه تعقيد

ولا كلمة غاظتني

اسمها تنوير !

يا ما نفسي أشوف

علي أرض بلادي

واحد مهاتير

يغسل في عقولنا

ويصحي ضمير !!

ومعاه الشعب

يعمل تغيير

ونقول للعالم :

مصر أم الدنيا

أم الدساتير

حضارتها قديمة

شعبها أصيل

تكسبه في ثواني

بكلمة تقدير

نهضة مهاتير

صواريخ بتطير

وإحنا نهضتنا

راكبة حناطير !!

قول مهرجانات

فرفشة وصاجات

مات جوا قلوبنا

شيء اسمه ضمير !!

لا صنعنا صناعة

ولا بعنا بضاعة

كل اللى عملناه

بودرة صراصير !!!

فينك مهاتير ؟!!!

فينك مهاتير ؟!!!

بأنام وأقوم

وأنا حلمي كبير

يظهر في بلادنا

واحد مهاتير

يبحث مشاكلنا

ويصحي آمالنا

ويقدم حل

ومليون تفسير !

عايزين مهاتير !

عايزين مهاتير !

عايزين مهاتير !

                           أحمد عبد اللطيف النجار

                                 شاعر  عربي