قلبي خانك //// 2 /// الي مجهولة الاسم والعنوان ......////////////////////////////////////////////////////////////////////

                    قلبي خانك ... // 2 //

                         إلي مجهولة الاسم والعنوان .....

                                       كلمات

                           أحمد عبد اللطيف النجار

                                 شاعر عربي

قلبي خانكِ ...

لمّا توهت ....

في الحياة ...

وتاه مني ...

زمانك ِ ...

قلبي بكي ...

بالدموع ...

لمّا ضاع ....

حب عمره ...

وشاف بعيونه ...

هوانكِ ...

ليه تهوني ...

يا حب عمري ..؟

وليه تخوني ...

قلب صانكِ ..؟

ليه تخوني ...

قلب صانكِ ..؟!!

ـــــــــــــــــــــــــــ

قلبي سأل ...

العاشقين ...

قال لعشاق ..

الحياة ...

ليه حبكم ...

كله أنين ..؟

ليه فرحكم ...

كله دموع ..؟

وفي أشواقكم ..

مترددين ؟!

ليه تعيشوا ...

النار نارين ؟

والورد في ...

أيديكم حزين !

ورد الغرام ...

جوا الجناين ...

غسل قلوب ...

المغرمين ...

وقال لهم ...

هوا الغرام ...

كله شجن ...

في كل حين ؟

الحب أصله ...

شعور نبيل ...

كله مشاعر ...

وحنين ...

وحبكم  دايماً ألم ..

دايما قلوبكم ...

مجروحين ...!

دايما قلوبكم ...

مجروحين ...!

ـــــــــــــــــــــــــ

قلبي خانك  ...

ممكن في ...

قلبي تخوني ...

كنت عارف ..

وكنت أتجاهل ...

ظنوني ...

لمّا قالوا ...

هان حبيبك ...

قولت لا يمكن ...

تهوني ...

لمّا فرحوا ..

علي اللي كان ..

قولت ليه ...

تجرحوني ..؟

وسألت قيس ...

عن السبب ...

قال عمرهم ...

ما يفهموني ..

الغرام في ...

شرعهم ...

حاجات غريبة ...

وحب ليلي ...

كان قانوني ...

بأحبها من ...

أجل ذاتها ...

وهيا ذاتها ...

جرحتني ...

وخيّبت ظنوني !

يعني آه ...

من الغرام ...

كله شجن ...

كله آلام ...

وليه نحب ...

السراب ..؟

نعشق آهاتنا .

ونقول كلام ..

كلمة أحبك ...

لو نقولها ...

ممكن تضيع ...

بدون وداع ...

ولا سلام ...!

بدون وداع ...

ولا سلام ..!!

ــــــــــــــــــــــــــ

قلبي خانك ...

وهوا مش قصده ..

الخيانة ...

في يوم سألته ...

عن السبب ؟

قال كبريائها ...

كان إهانة ...!

وسألت قيس ...

عن أصل حبه ..!

قال حبي ...

في أعلي مكانة ..

بيني وبين ليلي ...

حنين ..

لو يعرفه ..

كل البشر ..

يبقي هواهم ...

لون هوانا ...!

وعشقهم حتي ...

لذاتهم ...

يكون حنان ...

واستكانة ...!

ويرحموا نفسهم ...

من نفسهم ...

ويرجعوا لربهم ..

ولا حبهم ...

يبقي استهانة ...!

ولا حبهم ...

يبقي استهانة ...!

ولا حبهم ...

يبقي استهانة ...!!

ـــــــــــــــــــــــــــــــــــــــــــــــــــــــــ

أحمد عبد اللطيف النجار

   شاعر عربي