ملحمة ام الدنيا //// مصر الدنيا //// ج 55 /////// غمض عينيك واحلم معايا /////////////////////////////////////////////////////////////

 && ملحمة أم النيا  ،،، مصر الدنيا  ( 55 ) &&

/////////// غمض عينيك واحلم معايا  ! /////////////

&&& مصر والعرب وأفريقيا  سنة  7200 ميلادية &&&

   &&&& الجزء الخامس والخمسون &&&&

                               كلمات

                    أحمد عبد اللطيف النجار

                     شاعر أم الدنيا الجديدة

   

وصلنا بعون الله في أحلامنا المشروعة مع أم الدنيا إلي  القرن الثاني والسبعين سنة 7200 ميلادية .

في تلك الألفية نادت أم الدنيا شعبها العظيم للتكاتف والاتحاد ضد الإرهاب الأسود .

هؤلاء الإرهابيين الجبناء يريدون أن تركع مصر ، يريدون تدمير الوطن الغالي وضياع شعبنا الطيب كما ضاعت شعوب كثيرة في منطقتنا العربية البائسة بحكامها !!

صرخت أم الدنيا في أولادها  أن اتحدوا وتماسكوا لهزيمة الإرهابيين  الدواعش علي أرض مصر الطاهرة ، كما هزم القائد العظيم قطز التتار  علي أرض الفراعين العظماء .

//////////  هيا لنعرف ماذا فعل المصريين ؟!  //////////

الإرهاب الأسود هاجم ....

علي أم الدنيا وأولادها ...

أم الدنيا صرخت لا ....

دي مصر هيا الحياة ..!

الدنيا شاهدة علي أمجادها ...

خفافيش ظلام ملاعين ...

باعت روحها وآخرة ودين ...

مع الشياطين ربطت أوتادها ..!

في سينا عايشين في براح ...

قلبت لياليها أتراح ...

والغربان تخطب في ودادها ..!

الغربان تخطب في ودادها ...!!!

ــــــــــــــــــــــــــــــــــــــــــــــ

الحرب طالت في وادينا ...!

إرهاب أسود جوا في سينا ...

شوفنا كتير منه وقاسينا ...

لكن صابرين علي الأهوال ...

أم الدنيا تنادي علينا ...

تصرخ في ناسنا وأهالينا ...

شعبنا طيب ابن حلال ...

لازم نهزم الإرهاب ....

وكل متعصب  كداب ...

تفكيره وهم ومُحال ...!

أم الدنيا المحروسة ....

في الدنيا أجمل عروسة ...

نفديها بدمنا في الحال ...

الشهداء ضحوا بأرواحهم ...

نسيوا عشانها أفراحهم ...

محروسة في كل الأحوال ...!

محروسة في كل الأحوال ....!!

ــــــــــــــــــــــــــــــــــــــــــــــــ

لازم حل عملي سريع ....

خايف أم الدنيا تضيع ...

في حربها علي الإرهاب ...!

مش معقول نترك أهالينا ...

ونفّرط في شبر من سينا ...

ونحارب أشباح وسراب ..!

أرض الفيروز تبكي تاريخها ...

أشجانها تبكي تباريحها ...

يحكمها قانون الغاب ..!

أم الدنيا نادت يا أولادي ...

أعلنت في الدنيا حدادي ...

عايزة تخطيط بحساب ..!

عايزة تخطيط بحساب ...!!

ـــــــــــــــــــــــــــــــــــــــــــ

لأجل تكون حربنا سريعة ....

لازم إخلاء للسكان ...

عشان يظهر المتداري ...

كل إرهابي وجبان ...!

تبقي في سينا نهايتهم ...

والدنيا تعرف حكايتهم ...

كل غدّار وخوّان ...

عايزين أم الدنيا تضيع ...

يبقي شعبها كله صريع ...

ويعيش لاجئ ومُهان ..!!

أم الدنيا صرخت فيهم ...

دا عشم إبليس في الجنة ...

لو نقشوا كفوفهم بالحنة ...

شعبي صامد للعدوان ...!

شعبي صامد للعدوان ...!!

ـــــــــــــــــــــــــــــــــــــــــــ

علي أرض مصر الطاهرة ...

قطز هزم التتار ...

وراية بلادي منصوبة ...

في وجه إرهابي غدّار ...

نستكمل سوا المسيرة ...

مع مصر أم الأحرار ...

ونطرد خنازير مرتزقة ...

عايشة علي الزور والعار ...!

تعيشي يا بلادي حرة أبية ...

منارة عالية للحرية ....

نزحف لك مليون مشوار ...

نزحف لك مليون مشوار ...!

نزحف لك مليون مشوار ...!!

ــــــــــــــــــــــــــــــــــــــــــــــــــــــــــــــــ

أحمد عبد اللطيف النجار

 شاعر أم الدنيا الجديدة