كونداليزا ...!!! //// صورة شعرية شعرية ساخرة عن الآنسة كونداليزا مستشارة الامن القومي الأمريكي ///////////////////

                          كونداليزا !!

( صورة شعرية ساخرة عن كونداليزا رايس مستشارة الأمن

  القومي الأمريكي في عهد الرئيس الأمريكي جورج بوش )

                      

                                       كلمات

                                 أحمد عبد اللطيف النجار

                                       شاعر عربي

كونداليزا  .....   كونداليزا

نفسي أشوف فيكي ميزة !

عيّنوكي مستشارة

لأجل أمريكا العزيزة !

هوه بس يعني بوش

اختياره بالغريزة !

شافك يعني في عينه حلوة

وكمان يمكن لذيذة !

والله نفسه حلوة خالص

انه شايف فيكي ميزة !!

انت والله في نواظري ...

ما تساوي حتة بريزة !!

كونداليزا ..... كونداليزا

  ///////////////////////////

كونداليزا نافشة ريشها ...

راسمة تكشيرة في وشها ..

الله يخرب أبو عيشها..

واللي عامل انه حاشها ..

وحاش بلاويها الكتيرة ...

عن ضمير البشرية ...

الله يجازي اللي سابوا

واحدة زيك مفترية !

واللي عابوا واللي حابوا ...

واللي خانوا القضية...

واللي حرقوا شعب عربي

باسم كل الإنسانية ..!!

واللى ذبحوا عروبتنا ..

قالوا أصلها كيماوية !!

واللي نهبوا العراق ...

واعتذارهم مسرحية ..!

واللي كان بلفور وعدهم ...

تبقي فلسطين الضحية ..!!

آه يا خوفي من اللي جاي ...

ومُر أيامنا اللي جاية ..!!

آه يا خوفي من قدرنا ...

وانكسار روحنا وعارنا ...

في العالم صرنا خطية ...!

لاجئين عند الأجانب ...!

مسلمين من كل جانب ....

غرقانين في شبر ميه ..!

إحنا ضعنا من زمان ....

العربي صار بهلوان ....!

لأجل تفرح كونداليزا ....

وفرحها في قاعة ماسية !

قالت عايزة  شرق أوسط ...

نعمله علي مزاجنا ....

كل حكام الممالك ....

أصلهم يبقوا نعاجنا ..!

ضيعوا بايدهم بلادهم ..

وإحنا والله صدقنا !

عايزينهم يبقوا في مدارنا ....

يبقي بيتهم هوا دارنا ....

قولنا نبدأ بعراقنا ...!

العرب قالوا آمين ...

كونداليزا دماغها زين ...!

تعدل شرقنا اللي مايل ....

في الوحل غطسان وشايل ....

وشعوب عايشة ميتين !!

تبقي أمنا كونداليزا ....

رمز أمريكا العزيزة ...

حقها محفوظ في دارنا ...

من صغارنا لكبارنا ....

كونداليزا لسه عايشة ...

وإحنا ميتين في عارنا !!!

إحنا ميتين في عارنا !!!

إحنا ميتين في عارنا !!!

ـــــــــــــــــــــــــــــــــــــــــــــــــ

 أحمد عبد اللطيف النجار

        شاعر عربي