فراق وحنين !!! //////////////////////////////////////////////////////

            فراق وحنين ...//  1  //

                          كلمات

                      أحمد عبد اللطيف النجار

                            أديب و  شاعر  

1// ***********

صعب جداً نفترق ....

بعد ما شوفنا الحنين ..

صعب قلبي يتحرق ....

ويعيش حبه أنين ...!

صبّرنا يا رب صبّر ...

يا جابر المحرومين !!

&&&&&&&&&

2// **********

الحنين بعد الفراق ....

يعني لوعة واشتياق ....

يعني حب العمر راح ....

والقلب من يأسه استراح ....

والشموع قايدة في فؤادي ...

يعني اشواقي احتراق !!

يعني اشواقي احتراق !!

&&&&&&&&&&

3// ***********

الحنين لو كان حقيقي ....

كان يرّطب فيا ريقي ...

كان يطفي نار فؤادي ....

وينوّر ليا طريقي ...

وينوّر ليا طريقي ....!!

&&&&&&&&&&&

4// **********

الحنين آه من الحنين ....

كسر فيا كل روحي ....

كنت عارف يا حبيبتي ...

مين يكون سبب جروحي ؟!

واعترفت باشتياقي ....

كان فراقك هوا نوحي !!

كان فراقك هوا نوحي !!

&&&&&&&&&&&

5// ***********

اشتياقي كان ليها كبير ....

رغم شكل كبريائها ...!

والحنين يبكي عليا ....

لازم تشعر باستيائها ...!

الفراق مكتوب عليكم ....

شيء مؤكد هوا داءها ...!

شيء مؤكد هوا داءها ...!!

&&&&&&&&&&&

6// ************

اشترينا الحبايب بالمحبة ...

اشتروا منّا الحنين ....!

واتعاهدنا علي الصفا ....

مهما مرت السنين ....

فجأة تركونا وراحوا ...

الفراق مُر وأنين ...!

الفراق  مُر وأنين ..!!

&&&&&&&&&&&&&

6// *************

وسألنا الأحبة المجروحين ...

ليه جراحكم آه وآه ...!

قالوا ممكن تسمعونا ...

لكن إحساسنا تاه ....!

لما فارقنا الحبايب ....

يبقي ايه معني الحياة ....؟!

يبقي ايه معني الحياة ....؟!!

&&&&&&&&&&&&&&

7// ************

الفراق مكتوب علينا ...

نبض قلبي يتحرق ....

والحنين بعد افتراقنا ....

لحب عمري اللى اتسرق ...

نبقي نار جوا القلوب ...

تحرق مشاعرنا في ورق !!

تحرق مشاعرنا في ورق !!

&&&&&&&&&&

8// **********

رغم حرقة اشتياقي .....

للحنين بعد فراقك ....

رغم قسوة شوفتها ....

في ملامح كبريائك .....

قلبي برضو روحه فيكي ...

عايش في ظل سمائك !!

عايش في ظل سمائك !!

&&&&&&&&&&

9// **********

كنت أسأل النجوم .....

يعني كان لازم فراقنا ...؟!

سؤالي كان خالص بريء

يمكن يرجع اشتياقنا ...

قالت النجوم خلاص .....

الحنين عدى وسبقنا ..!

الحنين عدى وسبقنا ...!!

&&&&&&&&&&

10 // **********

يا خسارة علي الحب اللي كان ..

كنت واثق في قلبها ....

اتصدمت في المشاعر ....

وانجرحت في حبها ....!

صعب جداً أعود إليها ....

والحنين يرجع لها ...!

الحنين يرجع لها ...!!

ـــــــــــــــــــــــــــــــــــــــــــــــــــــــ

أحمد عبد اللطيف النجار

   أديب وشاعر