آهاتي اليها .....! ///// 1 /////////////////////////////////////////////////

             آهاتي  ...إليها ..!

               إلي مجهولة الاسم والعنوان ...!

                               كلمات

                       أحمد عبد اللطيف النجار

                            شاعر مجروح

                  &&&&&&&&&&&&

1//  آهة أولي .........

آهين وآه    ..... آهين وآه ..

قلبي انسحب من الحياة ....!

من ظلم  ناس حبهم ...

من غدرهم إحساسي تاه ..

قرر يقول كلمته ....

ويعترض بألف لا ...!

يعترض بألف لا ...!!

&&&&&&&&&&

2//  آهة ثانية ........

قلبي اتوجع من الآهات ...

إحساس جميل في قلبي مات ...

لما البشر تكره في ذاتها ...!

ولما تتكدر حياتها ...!

وتموت في ذاتها كل ذات ..!

تموت في ذاتها كل ذات ...!!

&&&&&&&&&&

3// آهة ثالثة  ......

يا خسارة حبي اللى راح ...

كنت افتكر قلبي استراح ...

أصبح عليل عارف دواه ...

ما بين آهين وآه وآه ...

علي شباب حبه وصباه ...

ضاع معاه طوق النجاة ...!

ضاع معاه طوق النجاة ...!!

&&&&&&&&&&

4// آهة رابعة .....

يا عيني علي حبي وحبك ....

وقلب طيب أصله حبك ...

ولما نطق وجع وآه ...

كنتي في  يوم  حبه ومناه ....

ندم علي كل اللي قاله ...

صوت كلامه في حلقه تاه .!

صوت كلامه في حلقه تاه ..!!

&&&&&&&&&&

5// آهة خامسة .....

كنتي الأمل ، كنتي النجاة ...

قلبي سألني ايه حصل ؟!

قلت شعوري راح وتاه ...

خلاص تعب وكله آه ....

كان لازم أنسا حبها ....

وأعيش وحيد في الحياة ...!

أعيش وحيد في الحياة ....!!

&&&&&&&&&&&

6 /// آهة سادسة .....

عملنا إيه بالآهات ...؟!

لما الألم عدى وفات ....

بإيه يفيد بس الندم ...؟!

أنا نبض قلبي انعدم ....

لما الحبايب باعوا فيه ....

كل المشاعر والحاجات ...!

كل المشاعر والحاجات ...!!

&&&&&&&&&&&

7 // آهة سابعة .....

يمكن آهاتنا تكون حنين ...

يمكن  نكون مشتاقين ...!

ونعيش لبكره بفرحنا ....

نكبر ويصغر جرحنا ...

وربنا هو المعين ....!

وربنا هو المعين ....!!

&&&&&&&&&&&

8 // آهة ثامنة .....

شايف آهاتنا ليه بعيدة ...؟!

وقلوبنا خايفة مش سعيدة ....

قلبي ابتدا تاني من جديد ...

مع قلوب عايشة وحيدة ....

يمكن يكون فيها الأمل ....

علي حبنا تكون شهيدة ....!

علي حبنا تكون شهيدة ...!!

&&&&&&&&&&&

9 // آهة تاسعة .....

شوفتوا الآهات ازاي تكون ...!

تتعب قلوب ممكن تخون ....!

لو كانت  قلوبكم شوقها جامد.....

ممكن تقابلوا قلب دون ...!

وتطيب آهاتكم من الجراح ...

بقلب طيب وحنون ....!

قلب طيب وحنون ....!!

&&&&&&&&&&&

10 // آهة عاشرة ......

حبيبتي ليه حبك آهات ....؟!

ليه تكسري قلبي الحزين ..؟!

وتضيّعي الذكريات ....

ربيع غرامنا راح وضاع ....

مع عمرنا عدى وفات ...!

مع عمرنا عدى وفات ....!!

&&&&&&&&&&&&&&&&&&&&&

                   أحمد عبد اللطيف النجار

                         شاعر مجروح    

&& للآهات بقية إن شاء الله .