ملحمة ام الدنيا /// مصر الدنيا //// 53 ///// غمض عينيك واحلم معايا ///////////////////////////////////////////

   //// ملحمة أم الدنيا && مصر الدنيا  ////      53

      //////// غمض عينيك واحلم معايا  ////////

       && الجزء الثالث و الخمسون  &&

                         بقلم

                     أحمد عبد اللطيف النجار

                             شاعر عربي

  &&  مصر والعرب وإفريقيا   سنة     7000 ميلادية &&

وصلنا مع أم الدنيا وجميلة الجميلات  إلي بداية الألفية السابعة الميلادية ،، يعني سنة 7000 ميلادية.

فيد بداية الألفية السابعة  واصل شعب أم الدنيا مسيرته لنشر الرخاء  والتنمية في جمبع أنحاء الوطن العربي  الكبير .

رحّب الأشقاء العرب  بأختهم الغالية أم الدنيا  وأولادها المصريين العظماء  الشرفاء ، المكافحين ، الصابرين علي (( كل أنواع البلاء ) .

ذهبوا إلي البلدان العربية وزرعوا أراضيها ، وعمّروا صحاريها وأداروا مصانعها ، وعلمّوا شعوبها أن العمل عبادة ، وأن اليد العليا خير من اليد السفلي .

////////////  هيا بنا نري ماذا فعل المصريين ؟  //////////////

أم الدنيا  راحت تسأل ....

عن أمة عربية كبيرة ...؟!

قالوا شعوبها حيرانة ...

دهرها كله عايشة في حيرة ...!

الجهل  فارد جناحاته ....

والعقول عايشة أسيرة ...!

كل العالم روحه تقدم ...

والأعراب أفعالها خطيرة ..!

قول حروب علي صراعات ...

وأوطان عايشة في آهات ....

وعروبة تاهت في مسيرة ...!!

عروبة تاهت في مسيرة ...!!

ــــــــــــــــــــــــــــــــــــــــــــــــ

أم الدنيا صرخت فيهم ...

ليه أمتنا تعيش في صراع ..؟

ليه تختلفوا علي الأوطان ..؟

وتتفقوا علي الاوجاع ..!!

ضاعت منكم فلسطين ...

والأقصي يبكي ملتاع ...

يقول فين الأعراب ...؟

ماتت أحاسيس الأنطاع ..!

يقولوا للأقصي سماح ...

إحنا عايشين أوجاع  ...

ثورات الربيع العربي ...

عشناها وهم وضياع ...!

عشناها وهم وضياع ....!!

ــــــــــــــــــــــــــــــــــــــــــــ

أم الدنيا راحت تبكي ...

علي أحوال أولادها ...

تشكي لله أحزانها ....

علي أمة ضاعت أمجادها ...!

فيها ثروات حصرية ...

وعقول تايهة تنعي حدادها !

وفيها كمان مجاعات ...

ومآسي صعبة وحاجات ....

تبكي حضارة أجدادها ....!

تبكي حضارة أجدادها ...!!

ــــــــــــــــــــــــــــــــــــــــــــ

أم الدنيا راحت تسأل ....

فين جامعتنا العربية ...؟!

قالوا دي جامعة أموات ....

العواجيز عملوها تكية ...!

كل قرارتها  تعليل ....

وأكيد جايز مش ضرورية !

كان نفسي نشوفها في عينينا ...

جامعة حقيقي بجد قوية ...

لكن يا خسارة العواجيز ...

جعلوها مومياء تاريخية ...!

جعلوها مومياء تاريخية ...!!

ـــــــــــــــــــــــــــــــــــــــــــــ

راحت أم الدنيا تنادي ....

شعوب الوطن العربي فين ؟

مش ينفع تتركوا أوطانكم ...

تتهد في لمحة عين ...!

فين مينا وبطرس ومحمد ....

وأخواتهم حسن وحسين ؟

لازم تتحدوا في مشاعركم ....

وتقولوا الله يا معين ....

تراب الوطن دا أمانة ...

ملعون فينا الخاينين ...!

ملعون فينا الخاينين ...!!

ــــــــــــــــــــــــــــــــــــــــ

أم الدنيا قالت شعبي ...

صابر علي كل الأهوال ..

عمره ما يعرف كلمة يأس ..

أو تيأس روحه في مُحال ...

أصل اللي بناها حلواني ...

بيعمّر فيها وما زال ..!

أنا كان نفسي أسأل روحي ...

جوايا كام ألف سؤال ...

المصري أجداده فراعين ...

وحضارته عايشة أجيال ...

طيب ليه عايش متأخر ...

دايماً في كل الأحوال ...!

وأخوه العربي حياته مآسي ...

عايش يحكمه أنذال ....!!

شايفه بليد في تفكيره ...

ويقولوا مبدع كل مجال !!

ينفخوا فيه ويصدق نفسه ..

إنه عبقري الأجيال ...!

شوفتوا ازاي تفكيرنا غريب ...

وحرامنا بقي كله حلال ...!

حرامنا بقي كله حلال ...!!

ــــــــــــــــــــــــــــــــــــــــــــ

نفسي أشوف إنتاج بالعربي ...

وتبقي شعوبنا كدة بالعربي ...

زي الشعوب الصينية ...

العمل عندهم عبادة ...

وأكيد مؤكد عادة ...

حلوة جميلة حضارية ....

لكن يا خسارة علي العربي ...

هانت عروبته وبلاده ...

مبدع لكن في الأذية ...!

مبدع لكن في الأذية ...!!

ـــــــــــــــــــــــــــــــــــــــــــ

نفسي العربي يكون إنسان ..

يهدي إبداعه للبشرية ...

يعرف أن اليد العليا ...

أحسن من اليد السفلية ....

يبني مصانع في أوطانه ...

ويعلي جدرانه وحيطانه ...

تحت راية الحرية ...

ينسي خلافاته مع نفسه ...

يتصالح مع روحه وذاته ....

يصحي بدري من الفجرية ....

وتكون أيامه إنتاج .....

ولا يبقي أبدا محتاج ....

معونة دول استعمارية ....

أو يجري علي البنك الدولي ...

يقول مش حيلتي ولا حولي ....

ويطلب قروض ربوية ..!!

يا عيني علي خير أوطاني ...

وشعوب عايشة بتعاني ....

محتارة في الدنيا ديا ..!

محتارة في الدنيا ديا ...!!

محتارة في الدنيا ديا ...!!!

ـــــــــــــــــــــــــــــــــــــــــــــــــــــــــــــــ

أحمد عبد اللطيف النجار

     شاعر عربي