أمي /// 2 ///////// دمعة وفاء علي روح أمي وكل أمهات الوجود /////////////////////////////////////

             أمي ..... ( 2 )

  دمعة وفاء  علي روح أمي ، وتحية لكل  الأمهات

   &&& في عيد الأم ....21 مارس  2018 &&&

                               كلمات                              

                    أحمد عبد اللطيف النجار

                      أديب وشاعر عربي

    &&&&&&&&&&&&&&&&&&

أمي الجنة تحت أقدامها ...

أنا لو كنت أعيش خدامها ...

برضو مقصّر ....

 يا روحي معاكي ....

رضا المولي ....

يعني رضاكي ...

&&&&&&&&&

اتحملتي يا ماما كتير ....

من ساعة ما كنت جنين ..

كنت سامع قلبك ينبض ...

عشاني محبة وحنين ...

في شهور الحمل شايلاني ...

مروا عليكي تعب وأنين ...

وأنا مستني بفارغ صبري ...

أخرج وأسأل عنها مين ...؟!

أشكرها علي كل تعبها ...

وأبوس ايديا الاثنين ...!

أبوس ايديها الاثنين ..!!

&&&&&&&&&

بعد ما خرجت للدنيا ....

ماما حملتى همي كتير ...

خايفة علي صحتي الغالية ...

عاملة كفوفها ليا حرير ...

كنت أشوفها كتير حيرانة ..!

وأنا محتار عايز تفسير ..

كان نفسي أنطق والله ....

أمنحها شهادة تقدير ...

أمنحها شهادة تقدير ..!

&&&&&&&&&&

لما كبرت شوية نطقت ....

قلت يا ماما فين ألعابي ..؟!

كنت أتذكر بيها طفولتي ...

وعمري الماضي وشبابي ..

انتي يا ست الكل حياتي ...

روحتي وسيبتي ليا عذابي ...!

روحتي وسيبتي ليا عذابي ..!!

&&&&&&&&&&

وكبرت ودخلت الجامعة ...

ببركة ماما ودُعاها ....

كنت أشوفها تصلي الفجر ...

وملايكة ساجدة وياها ..!

تدعي لي ربي يحفظني ...

راحة بالي هيا مُناها ...!

راحة بالي هيا مُناها ...!!

&&&&&&&&&&

وتخرجت معايا شهادتي ...

روعة وبأحسن تقدير ....

ماما حملت همي كمان ...

كان مُناها تشوفني وزير ...

واشتغلت في أشرف مهنة ..

أخدم ناسي كمان والغير ...

حكمة ماما قالتها زمان ....

خادم الناس سيدهم ....

اخدمهم من غير تقصير ....!

اخدمهم من غير تقصير ....!!

&&&&&&&&&&&

ماما حملت همي كمان ....

في زواجي وأمور تأهيلي ...

قالت اختار أنت عروستك ...

كنت أسمعها بتدعي لي ...

وعروستي الحلوة بأخلاقها ....

قالت كفاية يا ماما تشيلي ...

ابنك أمانة جوا عيوني ....

هوا حلالى كمان وخليلي ...!

هوا حلالى كمان وخليلي ...!!

&&&&&&&&&&&

ماما فرحت ، من فرحتها ...

قالت زرعة عمري قوية ....!

زوجة ابني  عاقلة وحلوة ...

تتمني أكون مرضية ...!

عارفة أن رسول الله ( ص ) ..

وصّا عليا أحلي وصية ....

يا حلاوة رضا الوالدين ...

دا رضاهم جنة حقيقية ...!

رضاهم جنة حقيقية ....!!

رضاهم جنة حقيقية .....!!!

&&&&&&&&&&&&&&&&&

             أحمد عبد اللطيف النجار

              أديب وشاعر مصري

&& غداً إن شاء الله &&

&&  الجزء الثالث  &&

& من رد الجميل إلي ست الحبايب الحبيبة &