مجروحين ...!! ////////////////////////////////////////

              مجروحين ... !

           إلي مجهولة الاسم والعنوان ....

       

                            كلمات

                  أحمد عبد اللطيف النجار

                         شاعر  عربي

مجروحين  ...

مجروحين ...

قلبي سأل ....

ليه مجروحين ..؟!

بتفكروا ....

في اللي جرى ...

واللي ظلم ....

واللي افترى ....

وباع هواكم ....

اللي كان ليه اشترى ...

وليه تكونوا مجروحين ؟!

ليه تعيشوا في الأنين ؟!

من المحبة ....

والعواطف محرومين ...

وتبكوا ليه ...

علي اللي راح ...

كله شجن ....

كله جراح ....

وتقولوا إحنا المسئولين ..

علي إيه تحاسبوا ....

نفسكم ..؟!

الذنب مش ذنبكم ...

اللي جرح راح وفات ...

ساب فيكم جرحكم ...

أهل الهوى ...

أهل الغرام ...

والعاشقين ...

قالوا الهيام ...

دا نظرة حلوة ....

وابتسام ....

واتفاق وانسجام ...

وهمس جميل ...

أحسن كلام ...

ممكن في لحظة ....

يتقلب ...

رعد وغمام ..!

ويقولوا ...

فين الحب ، فين ..؟!!

سبحان من له الدوام ...!

الحب ممكن ...

يوم يدوم ...

شهر يدوم ...

سنة يدوم ...

لكن طريقه ...

كله أشواك ...

هتجّرحك ...

وأنت الملوم ...

أزاي تحب نفس ...

زى ذاتك ...؟!

هتجّرحك ...

ممكن تمرّر ...

لك حياتك ...!

وتشرب الحلو ...

 بمرارته ...

وتحفظه في ....

ذكرياتك ...

ولو سألت العاشقين ...

إيه جرحكم ...؟!

إيه حزنكم ...؟!

يقولوا لا ...

دا عمر فاتك ...!

طب ليه نجّرح بعضنا ..؟!

ليه نعيش العمر كله ...

غرقانين في حزننا ...؟!!

وإيه يكون أصل الحياة ؟!

لو نسينا أصلنا !

وإيه يكون طعم الوجود ؟!

لو مات حبنا ...!

بالحب إحنا ....

عرفنا بعض ...

وبنوره نعرف ربنا ...

ومهما يكون ...

 طعم الجراح ....

نكبر سوا علي جرحنا !

نكبر سوا علي جرحنا !!

نكبر سوا علي جرحنا !!!

ـــــــــــــــــــــــــــــــــــــــــــ

أحمد عبد اللطيف النجار

     شاعر  عربي