قصيدة مش تعودي ....!! ///////////////////////////////////////////////

            مش تعودي ...!

              إلي مجهولة الاسم والعنوان ..

            كلمات / أحمد عبد اللطيف النجار

                         شاعر  عربي

مش تعودي ...

لما قلبك ...

مش مسامح ...

يا ما قلبي ...

فيكي سامح ...

واتسامحت ...

في المشاعر ...

رغم إن قلبي ...

شاعر ...

إن قلبك راح ...

خلاص ...

الفراق مكتوب ...

علينا ....

والدموع تملي ....

عينينا ...

يبقي أحسن ...

ننسى بعض ...

يبقي أحسن ....

لو نسينا ...

مش تعودي ...

فرحي راح ...

مش تصحي ....

الجراح ...

قلبي مجروح ...

من عِنادك ...

اللي ضيّع ....

السماح ...

اسأليه ازاي ...

يسامحك ..؟!

اسأليه ....

عن ملامحك ...؟!

ها تلاقيه ...

خلاص نسيكي ...

كانت عيونه ...

بتناديكي ...

كان بقلبه ....

مشتريكي ...

وأنتِ بعتيه ...

وتجافيه ...

قولتي قلبي ...

خلاص نسيه ...

مش ها أعود ...

تاني ليه ...

قلبي سامعك ...

بتناديه ...

قال لي فين ....

كبريائك ..؟!

مش ترد ...

فين حيائك ..؟!

قول لها ...

مش تعودي ...

قلب تاه ...

في سمائك ...

كنتي دايماً ....

ترفضيه ....

تكسرى خاطره ...

في رجائك ...!!

طب تعودي ...

ليه يا قلبي ...؟!!

تجرحي قلبي ...

وضيقي ...

كنت باسترشد ...

بروحك ...

لما أتوه ....

في طريقي ....

كنت في حبي كبير ...

وأنتِ حبك ....

مش حقيقي ...

يعني أعمل ...

إيه يا قلبي ...؟!

في اللي بتحب ....

في ذاتها ....

واللي بتجّرح قلوب ....

كان مناها في حياتها ...

حطمت روحي ...

وكسرت كل ...

قلب راح وفاتها ...

ونسي كل اللي كان ....

والزمان والمكان ...

ذكرياته وذكرياتها ...

قلبه قال له ....

بلاش عتاب ...

دي قلوب ....

عاشقة العذاب ...

مش تفرّق مين

شاريها ....

واللي تركها ....

وساب ...

قلت له يا قلبي ....

سلامتك ...

نفسي أشوف يوم ...

يوم ابتسامتك ...

ولا تزعل من الحبايب ...

حتى لو قامت قيامتك ....

قول لها لو يوم ....

تعودي ....

مش تعودي ....

احذري صدي وردودي ....

لو أسامحك ...

من فؤادي ...

لو يكون ...

إحساسي عادي ...

أنتِ عارفة ....

طبعي هادي ...

بس قلبي ...

قام ينادي ...

اللي باعك ....

برضو بيعه ...

مش تقدم له ودادي ..!

كبريائك شيء كبير ...

والكرامة برضو أكبر ...

مهما قلبك كان صغير ...

بالمشاعر بكرة يكبر !

بالمشاعر بكرة يكبر !!

بالمشاعر بكرة يكبر !!!

ــــــــــــــــــــــــــــــــــــــــ

أحمد عبد اللطيف النجار

      شاعر عربي